بھارت کرکٹ ٹیم کے سابق فاسٹ بولر آشیش نہرا نے بھارتی ٹیم کے ٹی ٹوئنٹی کوچ بننے سے انکار کر دیا۔
بھارت کرکٹ بورڈ ( بی سی سی آئی) نے ورلڈ کپ میں آسٹریلیا کے خلاف فائنل میں شکست کے بعد بھارتی ٹیم کے ٹی ٹوئنٹی کوچ کا عہدہ سنبھالنے کے لیے آشیش نہرا سے رابطہ کیا تھا۔
انڈین ایکسپریس کی ایک رپورٹ کے مطابق بھارت کے کوچ راہول ڈریوڈ کا معاہدہ ختم ہونے کے قریب ہے جس کے بعد بھارت کے سابق فاسٹ بولر آشیش نہرا سے رابطہ کیا تاہم انہوں نے اس پیشکش کو ٹھکرا دیا۔
- Advertisement -
رپورٹ کے مطابق بھارتی بورڈ نے آشیش نہرا کے انکار کے بعد راہول ڈریوڈ کو تینوں فارمیٹس میں ہیڈ کوچ جاری رکھنے کی ہدایت کی ہے۔
رپورٹس میں یہ بات بھی سامنے آئی ہے کی بی سی سی آئی نے سابق بھارتی کپتان کو ٹیم کے تینوں فارمیٹس میں بطور ہیڈ کوچ اپنا کام جاری رکھنے کے لیے معاہدے میں توسیع کی پیشکش بھی کی ہے۔
