اشتر اوصاف علی اٹارنی جنرل مقرر

اسلام آباد: وزیر اعظم شہباز شریف نے اشتر اوصاف علی کو اٹارنی جنرل مقرر کر دیا، وہ اس سے قبل بھی مختلف عہدوں پر فائز رہ چکے ہیں۔

تفصیلات کے مطابق اشتر اوصاف علی کو اٹارنی جنرل مقرر کر دیا گیا، وزیر اعظم شہباز شریف نے اشتراوصاف علی کی تعیناتی کی منظوری دے دی۔

اشتر اوصاف سابق وزیر اعظم نواز شریف کے دور میں بھی اٹارنی جنرل رہے، وہ 16-2015 میں وزیر اعظم کے اسپیشل اسسٹنٹ قانون و انصاف بھی رہے۔

اشتر اوصاف دو بار، 99-1998 اور 13-2012 میں ایڈووکیٹ جنرل پنجاب رہے جبکہ 12-2011 میں صوبے کے پراسیکیوٹر جنرل بھی رہے۔

Comments