ایشیا کپ سپر فور مرحلے کے پہلے میچ میں پاکستان نے بنگلہ دیش کو 7 وکٹوں سے شکست دے دی۔
لاہور میں کھیلے گئے ایشیا کپ کے میچ میں پاکستان نے بنگلہ دیش کی جانب سے دیا جانے والا 194 رنز کا ہدف باآسانی 39.3 اوورز میں تین وکٹوں کے نقصان پر حاصل کرلیا۔
امام الحق نے شاندار 78 رنز کی اننگز کھیلی، محمد رضوان نے 63 رنز کی ناقابل شکست اننگز کھیلی۔
11th ODI half-century for @iMRizwanPak 🌟
A solid knock to steer Pakistan's chase 👏#PAKvBAN | #AsiaCup2023 pic.twitter.com/qIjhCivnVn
— Pakistan Cricket (@TheRealPCB) September 6, 2023
اوپنر فخر زمان 20 رنز بنا کر شرف الاسلام کا نشانہ بنے، کپتان بابر اعظم 17 رنز بنا کر پویلین لوٹ گئے۔
بنگلہ دیش کی جانب سے تسکین احمد، شرف اسلام اور مہدی حسن مراز نے ایک، ایک وکٹ حاصل کی۔
بنگلہ دیش کی ٹیم پاکستان کے خلاف 193 رنز بنا کر آل آؤٹ ہوگئی اور پاکستان کو جیت کے لیے 194 رنز کا ہدف دیا تھا۔
Pakistan bowlers bring the heat as Bangladesh are bowled out for 193 in 38.4 overs 🎯🔥
The boys will be back shortly with the chase 🏏#PAKvBAN | #AsiaCup2023 pic.twitter.com/uiKNFMFiOj
— Pakistan Cricket (@TheRealPCB) September 6, 2023
پاکستان نے بنگلہ دیش کی چار وکٹیں 47 رنز پر گرائیں، شکیب اور مشفیق الرحیم نے پانچویں وکٹ پر سنچری شراکت بنائی، شکیب الحسن نے 53 اور مشفیق الرحیم نے 64 رنز اسکور کیے۔
حارث رؤف نے شاندار بولنگ کرتے ہوئے چار کھلاڑیوں کو پویلین کی راہ دکھائی، نسیم شاہ نے 3 اور فہیم اشرف، افتخار احمد نے ایک، ایک وکٹ حاصل کی۔
Bangladesh are 120-4 at the halfway mark.#PAKvBAN | #AsiaCup2023 pic.twitter.com/RyGu2bzr61
— Pakistan Cricket (@TheRealPCB) September 6, 2023
بنگلادیش کے خلاف میچ کے لیے پاکستان کرکٹ ٹیم میں ایک تبدیلی کرتے ہوئے فاسٹ بولنگ آل راؤنڈر فہیم اشرف نے اسپنر محمد نواز کی جگہ لے لی ہے۔
تاس کے موقع پر بنگلا دیش کے کپتان شکیب الحسن نے گفتگو کرتے ہوئے کہا کہ نجم الحسین شنٹو کی جگہ لٹن داس کو ٹیم میں شامل کیا گیا ہے، ہم نمبر ون ٹیم کا سامنا کر رہے ہیں ہمیں بہترین کرکٹ کھیلنا ہوگی۔
قومی کرکٹ ٹیم کے کپتان بابر اعظم نے کہا کہ ٹاس جیتتے تو پہلے بیٹنگ ہی کرتے، ہمارا پیس اٹیک بہت اچھا ہے، کوشش کریں گے بنگلادیش کو کم سے کم ٹوٹل پر محدود کریں، کوشش کریں گے مومنٹم جاری رکھتے ہوئے میچ جیتیں۔
Stumps demolished! 💥
A @HarisRauf14 special ✨#PAKvBAN | #AsiaCup2023 pic.twitter.com/wI9WdvaV61
— Pakistan Cricket (@TheRealPCB) September 6, 2023
قومی ٹیم میں اوپنر امام الحق، فخر زمان، بابر اعظم، افتخار احمد، محمد رضوان، سلمان علی آغا، شاداب خان، فہیم اشرف، حارث رؤف، شاہین آفریدی اور نسیم شاہ شامل ہیں۔
آج کا کھیلا جانے والا میچ ایشیا کپ کا پاکستان میں آخری میچ ہوگا جس کو جو بھی ٹیم جیتے گی وہ ٹرافی کی جانب ایک قدم آگے بڑھائے گی۔
میچ کے بعد دونوں ٹیمیں سری لنکا کا رخ کریں گی جہاں قومی ٹیم اور روایتی حریف بھارت کی 10 ستمبر کو کولمبو میں جنگ چھڑے گی۔ گرین شرٹس جمعرات 14 ستمبر کو اسی میدان میں دفاعی چیمپئن سری لنکا کے مدمقابل آئیں گے۔
