کولمبو میں آج ایشیا کپ کا اہم ترین میچ پاکستان اور سری لنکا کے درمیان کھیلا جانا ہے تاہم ٹیموں سے قبل میدان میں بارش نے انٹری دے دی ہے جس کی وجہ سے ٹاس تاخیر کا شکار ہے۔
اے آر وائی نیوز کے مطابق ایشیا کپ میں آج اہم ترین میچ پاکستان اور سری لنکا کے درمیان کولمبو میں کھیلا جانا ہے تاہم بارش کی مداخلت ٹاس کے بروقت ہونے میں رکاوٹ بن گئی ہے۔ بارش کے باعث تاحال ٹاس نہیں ہوسکا ہے جب کہ میچ شروع ہونے کا وقت پاکستانی وقت کے مطابق دوپہر ڈھائی بجے ہے۔
کولمبو میں موجود نمائندہ اے آر وائی نیوز حنین امین کے مطابق بارش کے باعث گراؤنڈ اور پچ کو کور سے ڈھانپ دیا گیا ہے تاہم محکمہ موسمیات کے مطابق آج 70 فیصد تک کولمبو میں بارش کا امکان ہے جب کہ میچ کے اوقات میں تین بار موسلا دھار بارش کے اسپیل رکاوٹ ڈال سکتے ہیں۔
آر یا پار! ایشیا کپ کا فائنل پاکستان کھیلے گا یا سری لنکا، فیصلہ آج ہو جائے گا
اس ڈو آر ڈائی میچ میں پاکستان کو فائنل تک پہنچنے کے لیے لازمی فتح حاصل کرنی ہے جب کہ سری لنکا بہتر رن ریٹ کے باعث میچ ادھورا رہنے کی صورت میں بھی فائنل تک رسائی حاصل کر سکتی ہے۔
