ایشیا کپ سپر فور مرحلے کے میچ میں سری لنکا نے باآسانی بنگلہ دیش کو شکست دے دی۔
کولمبو میں کھیلے گئے میچ میں بنگلہ دیش کی ٹیم سری لنکا کی جانب سے دیے گئے 258 رنز کے تعاقب میں 236 رنز بنا کر آؤٹ ہوگئی اس طرح سری لنکا نے میچ 21 رنز سے جیت لیا۔
بنگلہ دیش کی جانب سے توحید 82 رنز بنا کر ٹاپ اسکورر رہے۔
سری لنکا کے داسن شناکا اور مہیش تھیکشابا نے تین، تین وکٹیں حاصل کیں، متھیشا پاتھیرانا نے تین کھلاڑیوں کو پویلین کی راہ دکھائی۔
سری لنکا نے پہلے بیٹنگ کرتے ہوئے مقررہ اوورز میں 9 وکٹوں کے نقصان پر 257 رنز بنائے اور بنگلہ دیش کو جیت کے لیے 258 رنز کا ہدف دیا تھا۔
Sri Lanka beat Bangladesh by 21 runs!
Samarawickrama led the charge with a scintillating 93 in the first innings, while the Lankan bowlers exhibited exceptional skills in restricting Bangladesh. 🇱🇰 #AsiaCup2023 #SLvBAN pic.twitter.com/5R8elHEXW0— AsianCricketCouncil (@ACCMedia1) September 9, 2023
سدھیرا سماراوکراما نے 93 رنز کی دلکش اننگز کھیلی، کوشل مینڈس 50 رنز بنا کر نمایاں رہے۔
پیتھون نسانکا نے 40 رنز بنائے، دھننجیا ڈی سلوا 6 رنز بنا کر آؤٹ ہوئے، دسن شناکا 24 رنز بنا کر پویلین لوٹ گئے۔
بنگلہ دیش کی جانب سے حسن محمود نے تین کھلاڑیوں کو پویلین کی راہ دکھائی، شرف الاسلام نے دو جبکہ تسکین احمد نے ایک وکٹ حاصل کی۔
کولمبو میں جاری ایشیا کپ کے سپر فور مرحلے کے دوسرے میچ میں بنگلا دیش نے سری لنکا کے خلاف ٹاس جیت کر فیلڈنگ کا فیصلہ کیا تھا۔
ٹاس کے موقع پر بنگلہ دیش کے کپتان شکیب الحسن نے کہا کہ ٹیم میں ایک تبدیلی کی گئی ہے، ہمارے لیے میچ جیتنا بہت ضروری ہے،کنڈیشن کے مطابق کھیلیں گے۔
سری لنکن ٹیم کے کپتان داسن شاناکا نے کہا کہ وکٹ بیٹنگ کیلئے اچھی ہے، وکٹ بیٹنگ کیلئے اچھی ہے، کھلاڑی بہترپرفارم کرناجانتے ہیں۔
#AsiaCup2023 #SLvsBAN
Kusal mendis scored 50 runs.
SL – 117/3 (25.5) pic.twitter.com/KAxPzkjKYg— 11CricketNews (@11cricketnews) September 9, 2023
ایشیا کپ کے اسپر فور مرحلے کی چاروں ٹیمیں پاکستان، بھارت، سری لنکا اور بنگلادیش اس وقت کولمبو میں موجود ہیں، جہاں ایونٹ کے باقی تمام میچز کھیلے جانے ہیں۔
سپر فور مرحلے کا دوسرے میچ سری لنکا مقابلہ بنگلادیش اس وقت جاری ہے جب کہ پہلے میچ میں پاکستان نے بنگلادیش کو 7 وکٹ سے شکست دی تھی۔