ایشیا کپ 2023 کا سپر فور مرحلے کے سری لنکن دارالحکومت کولمبو میں ہونے والے میچز کا آغاز آج سے ہوگا جہاں سری لنکا اور بنگلادیش کی ٹیمیں ٹکرائے گی۔
کولمبو میں سپر فور مرحلے کے دوسرے میچ میں سری لنکا کا مقابلہ بنگلادیش سے ہوگا، سپر فور کے پہلے پہلے میچ میں پاکستان نے بنگلادیش کو 7 وکٹ سے شکست دی تھی۔
تاہم اس سپر فور مرحلے میں بارش 5 ویں ٹیم بن گئی جس کے باعث سری لنکا اور بنگلادیش کا میچ بھی متاثر ہونے کا امکان ہے، سری لنکا کی محکمہ موسمیات نے آج بھی بارش کی پیشگوئی کر رکھی ہے جبکہ آج کوئی ریزرو ڈے نہیں ہوگا۔
اگر آج کے میچ میں 5ویں ٹیم(بارش) کی جیت ہوئی تو واش آؤٹ پر ٹیموں کو 1،1 پوائنٹ ملے گا، آج کے میچ میں گراؤنڈز مین کا بھی کڑا امتحان ہوگا کھیل رکا تو تیزی سے گراؤنڈ کو بھی خشک کرنا ہوگا۔
بنگلادیش سپر فور کا اپنا پہلا میچ پاکستان سے ہارا تھا، بنگال ٹائیگرز آج کا میچ بھی ہار گئے تو ان کی مشکلات بڑھ جائیں گی۔
دونوں ٹیموں کے درمیان اب تک 50 ون ڈے کھیلے گئے ہیں جس میں سے 33 آئی لینڈرز نے جیتے جبکہ 9 میں بنگال ٹائیگرز نے میدان مارا اور 4 بے نتیجہ رہے۔
واضح رہے کہ ایشیا کپ کے اگلے مرحلے کی چاروں ٹیمیں پاکستان، بھارت، سری لنکا اور بنگلادیش اس وقت کولمبو میں موجود ہیں، جہاں ایونٹ کے باقی تمام میچز کھیلے جانے ہیں۔
