ایشیا کپ میں ٹیم پاکستان بھیجنے سے انکار پر جب پی سی بی نے ردعمل دیا تو بھارتی میڈیا تلملا اٹھا۔
اے آر وائی نیوز کے مطابق بھارتی میڈیا کے پاکستان کرکٹ بورڈ کے ردعمل پر وکٹم کارڈ کھیلنے، گیدڑ بھپکی، دیوار سے لگانا اور دھمکی دینے کے الزامات عائد کردیے۔
ایک چینل نے لکھا کہ ’پاکستان اس طرح بھارت کو دباؤ میں لانا چاہتا ہے۔‘
ترجمان پی سی بی نے کہا کہ یہ بیان اے سی سی بورڈ یا پی سی بی سے مشاورت کے بغیر دیا گیا، جے شاہ کا پاکستان سے ایونٹ منتقلی کا بیان یک طرفہ ہے۔
PCB responds to ACC President’s statement
Read more ➡️ https://t.co/mOLMp4emI3 pic.twitter.com/wjjQQy4IXa
— Pakistan Cricket (@TheRealPCB) October 19, 2022
کرکٹ بورڈ کا کہنا تھا کہ سوچے سمجھے بغیر اس طرح بیان کے منفی اثرات مرتب ہوں گے، ایونٹ منتقلی کا بیان آئی سی سی، اے سی سی کو تقسیم کرنےکے مترادف ہے۔
ترجمان کا مزید کہنا ہے کہ اے سی سی صدر جے شاہ کے اس بیان سے 2023 میں بھارت میں شیڈول ورلڈ کپ اور 2024 سے 2031 تک بھارت میں شیڈول آئی سی سی کے ایونٹس میں پاکستان کی شرکت پر اثرات مرتب ہو سکتے ہیں۔
پی سی بی کا کہنا ہے کہ جے شاہ کی صدارت میں اے سی سی اجلاس میں ایشیا کپ کی میزبانی پاکستان کے سپردکی گئی تھی، تاحال اے سی سی کے صدر کے بیان پر اے سی سی سے کوئی باضابطہ وضاحت موصول نہیں ہوئی ہے۔
یاد رہے کہ اے سی سی کے صدر جے شاہ نے گزشتہ روز بیان دیا تھا کہ ایشیا کپ 2023 میں بھارتی ٹیم شرکت کے لیے پاکستان نہیں جائے گی۔
