ٹوکیو / بیجنگ : ایشیائی اسٹاک مارکیٹس میں تیزی کا رجحان دیکھا جارہا ہے، مختلف ایشیائی ممالک کے انڈیکس میں پوائنٹس میں اضافہ ریکارڈ ہورہا ہے۔
تفصیلات کے مطابق کاروباری ہفتے کے آغاز پر ایشیائی اسٹاک مارکیٹس میں تیزی کا رجحان دیکھنے میں آرہا ہے، ذرائع سے ملنے والے اعدادو شمار کے مطابق جاپان کے نکئی انڈیکس میں439پوائنٹس کا اضافہ ہوا جبکہ ہانگ کانگ کاہینگ سینگ انڈیکس335 پوائنٹس تک بڑھ گیا۔
اس کے علاوہ چین کے شنگھائی کمپوزٹ انڈیکس میں بھی31پوائنٹس کا اضافہ ریکارڈ کیا گیا ہے۔
علاوہ ازیں عالمی منڈی میں فی اونس سونا1970ڈالر پر فروخت ہورہا ہے جبکہ عالمی منڈی میں امریکی خام تیل43ڈالر12سینٹس پرفروخت ہورہا ہے، برینٹ خام تیل کی قیمت46ڈالرفی بیرل سے تجاوز کرگئی ہے۔
یاد رہے کہ گزشتہ روز ایشیائی اسٹاک مارکیٹس میں مندی کا رجحان دیکھا گیا تھا جبکہ تیل اور سونے کی قیمت میں بھی اتار چڑھاؤ جاری رہا۔
