جمیکا: قومی کرکٹ ٹیم کے جارح مزاج بیٹسمین آصف علی ویسٹ انڈیز میں جاری کیریبین لیگ (سی پی ایل) کے دوران تنازع میں الجھ گئے۔
تفصیلات کے مطابق کیریبین لیگ میں گیانا ایمازون کے خلاف میچ میں جمیکا کی نمائندگی کرنے والے قومی کرکٹر آصف علی نے آؤٹ ہونے کے بعد پویلین جاتے ہوئے فاسٹ بولر کیمو پاول کی جانب بلا لہرایا۔
سوشل میڈیا پر وائرل ویڈیو میں دیکھا جاسکتا ہے کہ آصف علی کیچ آؤٹ ہونے کے بعد نان اسٹرائیکراینڈ پر پہنچتے ہی فاسٹ بولر کی جانب بلا لہرا رہے ہیں۔
— AbkiBaarSoumyaSarkar (@SoumyaSarkarFan) August 26, 2020
آصف علی نے مبینہ طور پر کیمو پاول کو بلا مارنے کی کوشش کی جس پر ان کے خلاف ڈسپلنری ایکشن لیے جانے کا امکان ہے۔
واضح رہے کہ چند روز قبل کیریبین لیگ میں آصف علی کو شاندار کارکردگی پر میچ کا بہترین کھلاڑی قرار دیا گیا تھا۔
آصف علی نے جمیکا تلاواز کی نمائندگی کرتے ہوئے سینٹ لوسیا زوکس کیخلاف 27 گیندوں پر 47 رنز کی اننگز کھیلی تھی۔
مین آف دی میچ ایوارڈ وصول کرنے کے موقع پر انگریزی بولنے میں مشکل کے پیش نظر سندیپ لامی چینے مدد کو آئے تھے اور انہوں نے بخوبی ترجمان کا کردار ادا کیا تھا۔