اسلام آباد: ڈی جی آئی ایس پی آر میجر جنرل آصف غفور نے صدارتی ایوارڈ کے لیے نامزد ہونے پر اے آروائی نیوز کے اینکر ارشد شریف کو مبارک باد دی ہے۔
تفصیلات کے مطابق میجر جنرل آصف غفور نے اے آروائی نیوز کے اینکر ارشد شریف کو مبارک باد اپنے ذاتی ٹویٹر اکاؤنٹ سے دیتے ہوئے کہا ہے کہ وہ اس کے حقدار ہیں۔
انہوں اپنے ٹویٹ میں لکھا ہے کہ ’’ صدارتی پرائیڈ آف پرفارمنس کے لیے نامزد ہونے پر ارشد شریف کو مبارک ہو، آپ اس کے حقدار ہیں‘‘۔
Congrats Arshad Sharif @arsched on nomination for ‘Pride of Performance’ Award in Journalism. Deservingly.
— Asif Ghafoor (@peaceforchange) March 10, 2019
یاد رہے کہ وفاقی حکومت نے پرائیڈ آف پرفارمنس نامی سول ایوارڈ کے لیے 127 ناموں کی فہرست جاری کردی، جس میں 18غیرملکی بھی شامل ہیں۔صدرمملکت ڈاکٹر عارف علوی 23 مارچ کو فہرست میں شامل افراد کو ایوارڈ دیں گے۔
سابق کپتان اور کراچی کنگز کے صدر وسیم اکرم، وقاریونس، کرکٹریاسرشاہ، گلوکارسجاد علی اورعطااللہ خان عیسیٰ خیلوی، فلم اسٹار بابرہ شریف، ریماخان، مہوش حیات، شبیرجان، افتخارٹھاکر فہرست میں شامل ہیں۔
نیوزکاسٹرعشرت فاطمہ، اے آروائی نیوزکے اینکرارشد شریف اورتاجرعقیل کریم ڈھیڈی بھی فہرست میں شامل ہیں۔یاد رہے کہ اے آرآروائی نیوز کے سینئر اینکر پرسن ارشد شریف اس سے قبل 2018 کے آگا ہی ایوارڈز میں پاکستان کے مقبول اینکرقرارپائے تھے ، انہیں آگاہی کی جانب سے کرنٹ افیئر کا ایوارڈ دیا گیا۔
