وفاقی وزیر اطلاعات فواد چوہدری نے کہا ہے کہ زرداری صاحب نے ن لیگ کو فوج یاد کرا دی ہے اسی لئے کہتے ہیں کہ سوچ کر بولو اور بولنے سے پہلےسو بار تولو۔
مسلم لیگ ن کے امیدوار برائے حلقہ این اے 249 مفتاح اسماعیل نے ہنگامی کارروائی کے لیے چیف الیکشن کمیشن کو درخواست ارسال کردی۔
مفتاح اسماعیل نے اپنی درخواست میں مطالبہ کیا کہ انتخابی مواد پاک فوج یا رینجرز کی نگرانی مین کسی محفوظ مقام پر رکھا جائے۔
مفتاح اسماعیل کا کہنا تھا کہ ’ہمیں بیلٹ پیپرز کی حفاظت سے متعلق خدشات ہیں کیونکہ بیلٹ پیپرز سندھ حکومت کے ذیلی محکمے پولیس کی تحویل میں ہیں، بیلٹ پیپرز، کاؤنٹرفائلز، بیلٹ پیپر اکاؤنٹس میں ردوبدل کا خدشہ ہے، انتخابی فہرستوں کی نشان زدہ نقول میں رد و بدل کئےجانےکا خدشہ ہے‘۔
مفتاح اسماعیل کہ رہے ہیں ریکارڈ فوج کی نگرانی میں رکھا جائے،زرداری صاحب نے نون لیگ کو فوج یاد کرا دی ہے:)اسی لئے کہتے ہیں سوچ کر بولو اور بولنے سے پہلے سو بار تولو، اداروں کا احترام ضروری اس لئے بھی ہے کہ اداروں کے بغیر نظام قائم نہیں رہا کرتے اور ملکوں کو اداروں کی ضرورت ہوتی ہے pic.twitter.com/Nwtz1OPSjT
— Ch Fawad Hussain (@fawadchaudhry) May 2, 2021
مفتاح اسماعیل کی درخواست پر وفاقی وزیر اطلاعات فواد چوہدری نے ٹوئٹر پر ردعمل دیتے ہوئے کہا کہ مفتاح اسماعیل کہہ رہے ہیں ریکارڈ فوج کی نگرانی میں رکھا جائے، زرداری صاحب نے ن لیگ کو فوج یاد کرا دی ہے اسی لئےکہتے ہیں کہ سوچ کر بولو اور بولنے سے پہلےسو بار تولو۔
فواد چوہدری نے کہا کہ اداروں کا احترام ضروری کیونکہ اداروں کے بغیر نظام قائم نہیں رہا کرتے، ملکوں کواداروں کی ضرورت ہوتی ہے۔
