آصف زرداری دبئی روانہ، ٹرمپ کی حلف برداری میں شرکت متوقع -
The news is by your side.

Advertisement

آصف زرداری دبئی روانہ، ٹرمپ کی حلف برداری میں شرکت متوقع

کراچی : سابق صدر آصف علی زرداری دبئی روانہ ہوگئے ہیں جہاں سے وہ نومنتخب امریکی صدر ڈونلڈ ٹرمپ کی تقریب حلف برداری میں شرکت کیلیے امریکہ جائیں گے۔

تفصیلات کے مطابق پیپلز پارٹی پارلیمنٹیرین کے صدر اور سابق صدر آصف علی زرداری کراچی کے جناح ایئر پورٹ سے دبئی روانہ ہوگئے ہیں جہاں وہ کچھ روز قیام کریں گے۔

آصف زرداری نومنتخب امریکی صدر ڈونلڈ ٹرمپ کی تقریب حلف برداری میں شرکت کریں گے۔ تقریب بیس جنوری کو ہو گی۔ اسی روز امریکی صدر عشائیہ دیں گے۔ جس میں آصف زرداری بھی مدعو ہیں۔

عشائیے پر آصف زرداری کی ڈونلڈ ٹرمپ سے ملاقات متوقع ہے۔ نومنتخب امریکی صدر ڈونلڈ ٹرمپ کی ٹیم نے سابق صدر آصف زرداری کو دعوت نامہ بھیجا۔ آصف زرداری کو سینیٹر جان مکین کی ہدایت پر حلف برداری کی تقریب میں شرکت کی دعوت دی گئی۔

آصف علی زرداری سینیٹر جان مکین سمیت ریپبلکن پارٹی کے سیاستدانوں سے ملاقاتیں کریں گے۔ سابق صدر کی امریکی اسٹبلشمنٹ کے اہم ارکان سے ملاقات بھی متوقع ہے۔

آصف زرداری دو فروری کو امریکی صدر اور کانگریس کے نیشنل بریک فاسٹ میں شریک ہوں گے۔ شیری رحمان اور رحمان ملک بھی امریکا جا رہے ہیں۔ آصف زرداری تین فروری تک امریکا میں رہیں گے۔

 

Comments

comments

یہ بھی پڑھیں