معروف پاکستانی گلوکار عاصم اظہر نے اے آر وائی ڈیجیٹل کے پروگرام ’دی فورتھ امپائر‘ میں دلچسپ واقعہ سنا دیا۔
پروگرام ’دی فورتھ امپائر‘ میں گلوکار عاصم اظہر شریک ہوئے اور انہوں نے میزبان فہد مصطفیٰ، فیضان شیخ کے مختلف سوالات کے جوابات دیے۔
فیضان شیخ نے عاصم اظہر سے پوچھا کہ کبھی کسی نے سالگرہ پر بلا کر کہا ہے کہ ہمارے بچے کے لیے گانا گنگنائیں۔
عاصم اظہر نے بتایا کہ یہ واقعہ تو میرے ساتھ امریکا میں ہوا تھا اس پر فہد مصطفیٰ مسکرانے لگے اور بتایا کہ جب ہم امریکا گئے تھے ایسا ہی ہوا تھا لیکن ہر جگہ جانے سے پہلے عاصم اظہر کہتے تھے کہ میں گانا نہیں گاؤں گا۔
فہد مصطفیٰ نے بتایا کہ جہاں جہاں ہم گئے وہاں لوگوں کی محبت میں عاصم اظہر نے گانا گایا اور دل سے گایا جسے مداحوں نے پسند بھی کیا۔
عاصم اظہر نے بتایا کہ ایک ایونٹ ایسا بھی تھا جہاں کسی کی منی کی سالگرہ کے لیے گانا گنگنانا پڑا تھا۔
فیضان شیخ نے مزاحیہ انداز میں عاصم اظہر سے پوچھا کہ آپ کراچی میں رہتے ہیں کبھی ایسا ہوا کہ کسی ڈکیت نے بولا ہو چلو گانا سناؤ؟
گلوکار نے کہا کہ اللہ نہ کرے، کبھی ایسا ہوا بھی نہیں ہے۔
