تحریک انصاف کے دورِ حکومت میں بھرتی کیے گئے سوشل میڈیا انفلواینسرز بھی نیب کے ریڈار پر آگئے۔
تفصیلات کے مطابق نیب نے سیکرٹری اطلاعات خیبرپختونخوا کو خط لکھ کر پی ٹی آئی دور میں بھرتی سوشل میڈیاانفلواینسرز کی تفصیلات طلب کر لیں۔
خط میں کہا گیا ہے کہ سوشل میڈیا شراکتی پلیٹ فارمز کے قیام سے متعلق چھان بین کی جارہی ہے بھرتی کیےگئے انفلواینسرز کی تنخواہوں اور دیگر تفصیلات سے متعلق آگاہ کیا جائے۔
خط کے مطابق پراجیکٹ کے کاغذات اور پی سی ون فراہم کیےجائیں پراجیکٹ پر سالانہ کتنی رقم خرچ اور کتنےفنڈز مختص کیے سب بتایا جائے۔
نیب کا کہنا ہے کہ فنڈز کی تفصیلات 10 مئی تک فراہم کی جائیں اور انتخاب کے عمل کے ہر مرحلے سے متعلق مکمل ریکارڈ فراہم کیا جائے۔
Comments
- Advertisement -
