The news is by your side.

کیا ماہرہ خان ’کتاب‘ لکھ رہی ہیں؟ مداحوں سے ’عنوان‘ تجویز کرلیا

عالمی شہرت یافتہ پاکستانی اداکارہ ماہرہ خان نے مداحوں کے مختلف سوالات کے جوابات دے دیے۔

بالی ووڈ میں کنگ خان کے ساتھ فلم ’رئیس‘ میں مرکزی کردار ادا کرنے والی اداکارہ ماہرہ خان نے سماجی رابطے کی ویب سائٹ ٹویٹر پر مداحوں کے ساتھ سیشن رکھا اور مختلف سوالات کے جوابات دیے۔

ایک مداح نے اداکارہ نے سوال کیا کہ ’اگر آپ نے اپنے بارے میں کوئی کتاب لکھی تو اس کا ’عنوان‘ کیا رکھیں گی؟ماہرہ خان نے جواب دیتے ہوئے لکھا کہ ’ابھی اس بارے میں کچھ نہیں سوچا، آپ کوئی تجویز دے دیں۔‘

ایک صارف نے سوال کیا کہ ’کیا ہم آپ کو اور ہمایوں سعید کو اسکرین پر دوبارہ ساتھ دیکھ سکیں گے۔‘

اداکارہ نے کہا کہ ’مجھے امید ہے کہ بہت جلد، کیوں؟۔‘

ایک سوال کے جواب میں انہوں نے پوسٹ شیئر کی جس میں لکھا تھا کہ ’ایسا بھی ہوتا ہے کہ خدا ہمیں پھولوں سے بھرا ٹوکرا دینے کے موڈ میں ہوتا ہے اور ہم صرف ایک پھول کی ضد لگا کر بیٹھے رہتے ہیں۔‘

واضح رہے کہ ماہرہ خان نے پاک فوج کے شعبہ تعلقات عامہ (آئی ایس پی آر) اور اے آر وائی ڈیجیٹل کی پیشکش ’ایک ہے نگار‘ میں ’نگار‘ کا مرکزی کردار نبھایا تھا۔

ٹیلی فلم ’پاک آرمی کی پہلی خاتون تھری اسٹار جنرل لیفٹیننٹ جنرل نگار کے کیریئر پر بنائی گئی۔ جس کی کہانی عمیرہ احمد نے لکھی تھی جبکہ اس کی ہدایت کاری کے فرائض عدنان سرور نے انجام دیے اور اس کے پروڈیوسرز نینا کاشف اور ماہرہ خان  تھیں۔

Comments

یہ بھی پڑھیں