افریقی ملک جبوتی میں پناہ کے متلاشیوں کی کشتی الٹنے سے بچوں سمیت 16 افراد ہلاک جان سے گئے۔
اقوام متحدہ کی مائیگریشن ایجنسی کے مطابق ہارن آف افریقی ملک جبوتی کے ساحل پر پناہ کے متلاشیوں سے بھری کشتی الٹنے سے کم از کم 16 افراد ہلاک اور 28 لاپتہ ہیں۔
یہ حادثہ پیر کی رات پیش آیا ہے جس کے بعد ریسکیو کارروائیاں جاری ہیں۔
- Advertisement -
تقریباً دو ہفتے قبل ایتھوپیا کے پناہ گزینوں کو لے جانے والی ایک اور کشتی جبوتی کے ساحل پر ڈوب گئی تھی جس میں افریقا سے مشرق وسطیٰ کے لیے خطرناک نام نہاد "مشرقی نقل مکانی کے راستے” پر کئی درجن افراد ہلاک ہو گئے۔
انٹرنیشنل آرگنائزیشن فار مائیگریشن (IOM) نے منگل کے روز ایکس پر ایک پوسٹ میں کہا کہ جبوتی کے ساحل پر کشتی الٹنے سے 77 مہاجرین سوار تھے جن میں بچے بھی شامل تھے۔
