امریکی شہر نیو اورلینز میں تیزرفتار ٹرک ہجوم پر چڑھ گیا جس کے نتیجے میں کم از کم 10 افراد ہلاک اور درجنوں زخمی ہو گئے۔
امریکی میڈیا کے مطابق ٹرک ڈرائیور نے بوربن اسٹریٹ پر نئے سال کی خوشی منانے والے افراد پر گاڑی چڑھائی جب کہ ڈرائیور نے شہریوں کو کچل کر فائرنگ بھی کی۔
نیو اورلینز پولیس نے بدھ کے روز کہا کہ ہلاکتوں میں اضافے کا خدشہ ہے۔
- Advertisement -
قبل ازیں سی بی ایس نیوز نے عینی شاہدین کے حوالے سے اطلاع دی تھی کہ ایک ٹرک تیز رفتاری سے ہجوم سے ٹکرا گیا تھا، اور پھر ڈرائیور نے باہر نکل کر ہتھیار سے فائرنگ شروع کر دی جس پر پولیس نے جوابی فائرنگ کی۔
آن لائن شیئر کی گئی ویڈیوز، اور الجزیرہ سے تصدیق شدہ، لوگوں کو گولیاں چلنے کے بعد جائے وقوعہ سے فرار ہوتے ہوئے دکھایا گیا ہے۔
