کوہاٹ: ٹینکراورمسافربس میں تصادم‘ جاں بحق افراد کی تعداد23 ہوگئی -
The news is by your side.

Advertisement

کوہاٹ: ٹینکراورمسافربس میں تصادم‘ جاں بحق افراد کی تعداد23 ہوگئی

کوہاٹ: صوبہ خیبرپختونخواہ کے ضلع کوہاٹ میں انڈس ہائی وے پرمسافربس اور آئل ٹینکر کے درمیان تصادم کے نتیجے میں 23 افراد جاں بحق ہوگئے۔

تفصیلات کے مطابق کوہاٹ کے علاقے لاچی کے قریب تیز رفتار آئل ٹینکر اور مسافربس کے درمیان تصادم میں خواتین وبچوں سمیت جاں بحق افراد کی تعداد 23 ہوگئی۔

افسوس ناک حادثے میں زخمی ہونے ہونے والے35 افراد کوہاٹ کے اسپتال میں زیرعلاج ہیں۔

ڈی پی او سہیل خالد کا کہنا تھا کہ مسافر بس بونیرسے کراچی جا رہی تھی جو کلاچی کے قریب حاثے کا شکار ہوگئی۔

ڈسٹرکٹ پولیس افسر کا مزید کہنا تھا کہ ابتدائی تحقیقات کے مطابق حادثہ تیز رفتاری کے باعث پیش آیا، تاہم مزید تحقیقات جاری ہیں جس کے بعد حادثے کی اصل وجہ سامنے آسکے گی۔

خیبر پختونخوا کے نگراں وزیراعلیٰ دوست محمد نے کوہاٹ حادثے میں جانی نقصان پر اظہارافسوس کرتے ہوئے متعلقہ حکام کو ہدایت کی ہے کہ زخمیوں کو علاج کی بہترسہولیات فراہم کی جائیں۔

بونیرمیں مسافر وین کھائی میں جاگری‘9افراد جاں بحق

خیال رہے کہ رواں سال 5 جون کو کوہاٹ میں انڈس ہائی وے پرمسافرکوچ میں آگ لگ گئی تھی جس کے نتیجے میں 5 افراد جاں بحق جبکہ 6 افراد زخمی ہوئے تھے۔

واضح رہے کہ گزشتہ سال 22 جنوری کو صوبہ خیبرپختونخواہ کے ضلع بونیر میں مسافر وین کھائی میں جاگری تھی جس کے نتیجے میں خواتین سمیت 9افراد جاں بحق ہوگئے تھے۔

Comments

comments

یہ بھی پڑھیں