لاہور: انسداد دہشت گردی عدالت نے کالعدم جماعت کے 4 رہنماؤں کو دہشت گردی کی مالی معاونت کے جرم میں سزا سنادی۔
اے آر وائی نیوز کی رپورٹ کے مطابق انسداد دہشت گردی کی عدالت میں دہشت گردی کی مالی معاونت کے کیس کی سماعت ہوئی، عدالت نے جرم ثابت ہونے پر کالعدم جماعت الدعوۃ سے تعلق رکھنے والے 4 ملزمان کو سزا سنادی۔
ترجمان سی ٹی ڈی کے مطابق مجرم کو ایک اور 5، 5 سال کی سزائیں سنائی گئی ہیں، ظفر اقبال اور یحیٰی عزیز کو 5، 5 سال، عبدالرحمان مکی، عبدالسلام کو ایک سال کی سزا دی گئی۔
اے ٹی سی نے ملزمان کی جائیدادیں بھی قرق کرنے کے احکامات بھی جاری کیے۔
سی ٹی ڈی حکام کے مطابق ملزم پروفیسر ظفر اقبال پر 50 ہزار جرمانہ بھی عائد کیا گیا ہے، عدالت نے یحییٰ مجاہد کو سزا کے ساتھ 50 ہزار جرمانہ کی سزا دی۔
ملزم پروفیسر حافظ عبدالرحمان مکی کو ایک سال قید، 20 ہزار جرمانے کی سزا سنائی گئی، اسی طرح ملزم حافظ عبدالسلام بن محمد کو ایک سال قید، 20 ہزار جرمانے کی سزا دی گئی۔
واضح رہے کہ ملزمان کو دہشت گردی کی مالی معاونت کا جرم ثابت ہونے پر سزائیں دی گئی ہیں۔
