اسلام آباد :جناح ہاؤس اورعسکری ٹاور حملہ کیس میں چیئرمین پی ٹی آئی عمران خان کے گھر کا سویپر ضمانتی بن کر انسداد دہشت گردی عدالت میں پیش ہوا، جس پر عدالت نے برہمی کا اظہار کیا۔
تفصیلات کے مطابق انسداد دہشت گردی عدالت میں چیئرمین پی ٹی آئی عمران خان کیخلاف جناح ہاؤس اورعسکری ٹاور حملہ کیس کی سماعت ہوئی۔
عدالت نے عمران خان کے ضمانتی مچلکے مسترد کر دیے،ضمانتی سویپرشیروز نے بتایا کہ جوضمانتی مچلکے عدالت نے طلب کیے وہ نقد رقم دینے کو تیار ہیں۔
عدالت نے ضمانتی سے استفسار کیا تم کیا کرتے ہو ، ضمانتی شیروز نے جواب دیا کہ میں عمران خان کےگھرسویپر ہوں۔
جس پر عدالت نے استفسار کیا میں کیسے یہ مچلکے منظور کر لوں، کل کو عمران خان نہ آیا تو تم ذمہ دار ہو گے۔
عمران خان کی ذمہ داری لینے پر ضمانتی خاموش ہوگیا، عدالت نے ضمانتی کی ذمہ داری نہ لینے پر عمران خان کے ضمانتی مچلکے منظور نہ کیے۔
عدالت نے 3 مقدمات میں ضمانتی مچلکے جمع کرانے کا حکم دیا تھا۔
