اسلام آباد : پیپلز پارٹی کے رہنما اور سینیٹر اعتزاز احسن نے کہا کہ شریف خاندان کےخلاف چلتا پھرتا گواہ لندن میں ہے، نوازشریف خوداسحاق ڈارکوواپس نہیں آنے دیں گے۔
تفصیلات کے مطابق پیپلز پارٹی کے رہنما اور سینیٹر اعتزاز احسن نے اپنے بیان میں کہا ہے کہ نوازشریف کے دنیامیں 2مقصدرہ گئے ہیں، شہباز اور نثار کا پارٹی میں جو گروپ بن رہاتھا اس کو خاموش کرا دیا گیا۔
اعتزاز احسن کا کہنا تھا کہ حدیبیہ پیپرز مل کا مجسم ثبوت لندن کے اسپتال کے بستر پر ہے، شریف خاندان کےخلاف چلتاپھرتاگواہ لندن میں ہے، نوازشریف خود اسحاق ڈار کو واپس نہیں آنے دیں گے۔
پی پی رہنما نے کہا کہ پیپلزپارٹی جمہوریت کو ڈی ریل نہیں کررہی، نوازشریف عدلیہ پرحملوں سے جمہوریت کوڈی ریل کررہےہیں، نوازشریف اپنے اقدامات سےجمہوریت کوڈی ریل کررہےہیں۔
انکا مزید کہنا تھا کہ نیب نےپنجاب کےحکمرانوں کیخلاف قدم اٹھایاہے، نیب نےقدم اٹھایاہےتویقیناً ان کےپاس شواہد ہونگے۔
مزید پڑھیں : نواز شریف قانونی ضابطوں کے بند کمرے میں پھنس گئے، اعتزاز احسن
یاد رہے چند روز قبل اعتزاز احسن نے کہا ہے کہ نواز شریف قانونی ضابطوں کے بند کمرے میں پھنس گئے ہیں، میاں صاحب بند کمرے میں ہیں دیوار توڑنے کی کوشش کررہے ہیں۔
انکا کہنا تھا کہ وزیر خزانہ ملک سے بھاگا ہوا ہے، اسحاق ڈار وزیر اعظم کے جہاز پر دوشنبے جاتے ہیں، دوشنبے سے لندن پہنچ کر وزیر خزانہ بیمار ہوجاتے ہیں، ملک کے فیصلے لندن میں ہورہے ہیں۔
