نئی دہلی : بھارتی دارالحکومت نئی دہلی میں اسپتال کی تیسری منزل سے نوجوان نے چھلانگ لگا کر خودکشی کی کوشش کی۔
تفصیلات کے مطابق نئی دہلی کے صفدر جنگ اسپتال میں خودکشی کی کوشش کرنے والے نوجوان کو جب اسپتال کے عملے نے روکنے کی کوشش کی تو وہ عملے کو یہ کہہ کر ڈراتا رہا کہ میں کرونا کا مریض ہوں اور اگر کوئی میرے قریب آئے گا میں اس کا ہاتھ کاٹ لوں گا۔ نوجوان نے عملے پر تھوکنے کی بھی کوشش کی۔
صفدر جنگ اسپتال کے میڈیکل سپرنٹنڈنٹ بی این سنگھ نے بتایا کہ خودکشی کی کوشش کرنے والا نوجوان آرتھوپیڈک پریشانی اور نفسیاتی بیماری میں مبتلا ہے۔
بی این سنگھ کا مزید کہنا تھا کہ نوجوان کے ساتھ اس کے خاندان کا کوئی فرد موجود نہیں ہے، متاثرہ شخص کو اسپتال کے وارڈ میں منتقل کر دیا گیا ہے۔
بھارت کرونا وائرس : ایک مریض کی موت کے بعد اسپتال کا پورا عملہ قرنطینہ منتقل
واضح رہے کہ بھارت میں کرونا وائرس سے ایک شخص کی ہلاکت کے بعد اسپتال اسٹاف کے سو سے زائد افراد کو وائرس کے شبے میں قرنطینیہ میں بھیج دیا گیا۔
