بیجنگ: چین میں کروناوائرس کو شکست دینے کے لیے جدید ٹیکنالوجی کی مدد سے اسکریننگ کے ذریعے شہریوں کی شناخت کرنے والے سسٹم کو اپڈیٹ کردیا گیا۔
غیرملکی خبررساں ادارے کی رپورٹ کے مطابق سرکاری دفاتر میں نصب کیے جانے والے اسکریننگ سسٹم کو اپڈیٹ کردیا گیا ہے جس کے تحت اب چہرے کی اسکریننگ کے دوران کروناوائرس کی علامات بھی ظاہر ہوں گی۔
مذکورہ سسٹم سرکاری عمارتوں کے داخلے راستوں پر نصب کیا جارہا ہے، ملازمین کو دفتر میں داخل ہونے سے پہلے اسریننگ کے مراحل سے گزرنا ہوگا جس سے یہ واضح ہوسکے گا کہ کوئی شہری مہلک وائرس سے متاثر تو نہیں ہے۔
اس سے قبل یہ سسٹم ملازمین کی حاضری کے لیے استعمال کیا جاتا تھا۔ اپڈیٹ سسٹم چہرے پر ماکس کے باوجوہ کروناوائرس کی علامات ظاہر کردے گا، جبکہ ماکس نہ پہننے والوں کی شکایات بھی کمپنی انتظامیہ تک پہنچائی جائیں گی۔
رپورٹ میں کہا گیا ہے کہ ملازمین کو نئے سسٹم پر اپنا چہرے تھوڑی دیر کے لیے ٹکانا ہوگا جس کے بعد سسٹم جسم کی حرات سمیت دیگر بیماری کی بھی نشان دہی کردے گا، جس کے ذریعے کروناوائرس کی تشخیص میں آسانی ہوگی۔
خیال رہے کہ یہ سسٹم نیا نہیں لیکن کروناوائرس کی شناخت کرنے والا فیچر اس میں نیا اپ ڈیٹ کیا گیا ہے۔
0
20
