کراچی: صوبہ سندھ کے سرکاری کالجوں میں 70 فی صد حاضری لازمی قرار دے دی گئی۔
تفصیلات کے مطابق سندھ کے سرکاری کالجوں میں طلبہ کی حاضری سے متعلق نیا حکم جاری کر دیا گیا ہے، سالانہ امتحان میں بیٹھنے کے لیے کالج میں 70 فی صد حاضری لازم ہوگی۔
محکمہ کالجز کی جانب سے طلبہ و طالبات کے لیے جاری نوٹیفکیشن میں کہا گیا ہے کہ کم حاضری والے طلبہ کو امتحان میں بیٹھنے کی اجازت نہیں ہوگی۔
سیکریٹری کالجز کا کہنا ہے کہ کالجوں کے پرنسپل اس حکم پر عمل درآمد کراٸیں گے، نیز 70 فی صد حاضری کا اطلاق صوبے کے تمام سرکاری کالجوں پر ہوگا۔
انور خان اے آر وائی نیوز کراچی کے لیے صحت، تعلیم اور شہری مسائل پر مبنی خبریں دیتے ہیں