آسٹریلیا جیسی مضبوط حریف کے ساتھ بھارتی سرزمین پر ویسے ہی کرکٹ میچ سنسنی خیز ہوتے ہیں جنہیں دیکھنے کے لیے ہمیشہ سے بڑی تعداد میں شائقین اسٹیڈیم میں موجود ہوتے ہیں۔
تاہم ورلڈکپ سے چند روز قبل کرکٹ شائقین کو اس وقت حیران کن مناظر دیکھنے کو ملے جب بھارت اور آسٹریلیا کے پہلے ون ڈے میں تماشائیوں کی عدم دلچسپی کے باعث اسٹیڈیم خالی پڑا رہا۔
ٹوئٹر پر صارفین نے خالی اسٹیڈیم کی تصاویر شیئر کرتے ہوئے تماشائیوں کے نہ آنے پر سوالات اٹھائے۔ کچھ صارفین نے تو خالی کرسیوں کی وجہ سینئر کھلاڑیوں کو نہ کھلانا قرار دیا۔
https://x.com/SPORTYVISHAL/status/1705134431344947332?s=20
موہالی کا اسٹیڈیم پہلے ون ڈے کے آغاز سے ہی خالی نظر آیا۔ کسی نے لکھا کہ کوہلی اور روہت شرما جیسے کھلاڑیوں کی عدم موجودگی تماشائیوں کو اسٹیڈیم تک نہ لاسکی۔
ہوم کراؤڈ کی طرف سے ’نظرانداز‘ کیے جانے پر کھلاڑیوں کی باڈی لینگویج پر بھی اثرات دیکھنے کو ملے۔ کھلاڑیوں میں سخت مقابلے کے لیے جوش کم دکھائی دیا۔
https://x.com/Pranjal_one8/status/1705154683470585899?s=20
تاہم انڈیا جب ہدف کا تعاقب کرنے آیا تو فلڈلائٹس میں تماشائیوں کی تعداد بڑھتی دکھائی دی۔ بھارت نے پہلا ون ڈے پانچ وکٹوں سے جیت لیا لیکن تماشائیوں کے دل نہیں جیت پائے۔
