The news is by your side.

Advertisement

ویمنز ٹی 20 ورلڈ کپ: آسٹریلیا نے بھارت کو خاک چٹا دی

ویمنز ٹی 20 ورلڈ کپ 2020 میں آسٹریلیا نے بھارت کو 85 رنز سے شکست دے کر پانچویں مرتبہ ٹائٹل اپنے نام کر لیا۔

خواتین کے ٹی 20 ورلڈ کپ کے فائنل میں میچ کے آغاز پر آسٹریلیا نے ٹاس جیت کر پہلے بیٹنگ کی اور جارحانہ کھیل دکھایا، بھارتی ٹیم آغاز سے ہی کمزور نظر آئی اور ہدف کا تعاقب کرنے میں آل آؤٹ ہو گئی۔

آسٹریلیا کی دونوں اوپنرز ہیلی اور مونی نے بالترتیب 75 اور 78 رنز بنائے۔ ہیلی نے 5 چھکے لگائے جبکہ مونی ناٹ آوٹ رہیں۔

آسٹریلیا نے بھارت کو 185 رنز کا ہدف دیا جس کے جواب میں بھارتی ٹیم 99 رنز پر آؤٹ ہوگئی۔

بھارتی کھلاڑی شیفالی ورما پہلے ہی اوور میں صرف 2 رنز بنا کر آؤٹ ہوگئیں اور جومیما روڈریگز بغیر کوئی رن بنائے آؤٹ ہو گئیں۔

اسمرتی مندھانا بھی صرف 11 رنز بنا کر پویلین لوٹ گئیں جبکہ ہرمن پریت کور بھی زیادہ دیر تک وکٹ پر نہ ٹھہر سکیں۔

چار بار کی عالمی چیمپیئن آسٹریلوی ٹیم نے پانچویں بار ورلڈ کپ جیت کر ایک اور فتح حاصل کی جبکہ بھارتی ٹیم ایک بار پھر تاریخ رقم کرنے سے محروم رہ گئی۔ میچ کی بہترین کھلاڑی الیسا ہیلی کو قرار دیا گیا۔

خیال رہے کہ آسٹریلین ٹیم 6 بار فائنل میں پہنچ چکی ہے اور یہ اس کی پانچویں فتح ہے۔

fb-share-icon0
Tweet 20

Comments

comments

یہ بھی پڑھیں