The news is by your side.

Advertisement

جنوبی افریقہ نے آسٹریلیا کو پہلے ون ڈے میں 6 وکٹوں سے شکست دیدی

سینچورین : جنوبی افریقہ نے ورلڈ چیمپئن آسٹریلیا کو پہلے ون ڈے میں باآسانی چھ وکٹوں سے شکست دے دی۔

سینچورین میں ورلڈ چیمپئنز کی دال نہ گل سکی، آسٹریلیا نے آغاز اچھا کیا آسٹریلین ٹیم نے پہلے بیٹنگ کرتے ہوئے مقررہ پچاس اوورز میں نو وکٹ پر دو سو چورانوے رنز بنائے، جارج بیلے چوہتر رنز بناکر نمایاں رہے، جان ہیسٹگنز نے نصف سنچری اسکور کی،وارنر40 اور آرون فنچ نے 33 رنز کے ساتھ نمایاں رہے۔

جواب میں جنوبی افریقہ نے اوپنر کوانٹن ڈی کوک کی شاندار بیٹنگ کی بدولت مطلوبہ ہدف سینتیسویں اوور میں چار وکٹوں کے نقصان پر حاصل کرلیا۔

کوانٹن ڈی کوک نے رلی روسو کے ساتھ مل کر پہلی وکٹ کیلئے ایک سو پینتالیس رنزکا عمدہ آغاز فراہم کیا۔

روسو نے تریسٹھ رنز بنائے، ڈی کوک نے گیارہ چھکوں اور سولہ چوکوں کی مدد سے ایک سو اٹھتر رنز کی اننگز کھیلی، دوسرا ون ڈے کل جوہانسبرگ میں ہوگا۔

Comments

comments

یہ بھی پڑھیں