پیر, فروری 17, 2025
اشتہار

آسٹریلیا اب بھارت کے بجائے پاکستان سے آم درآمد کرے گا

اشتہار

حیرت انگیز

آسٹریلیا: آسٹریلیا نے اپنی منڈی کے لیے بھارت سے مزید آم خریدنے سے انکار کرتے ہوئے پاکستان سے آموں کی کھیپ منگوانے کا فیصلہ کرلیا ہے۔

تفصیلات کے مطابق آسٹریلیا نے پاکستانی آم کے معیار،قسم، لذت اور قیمیت کو مدِ نظر رکھتے ہوئے پاکستانی آموں کے لیےاپنی منڈی کھول دی ہے،اس سے قبل آسٹریلیا بھارت سے آموں کی تجارت کیا کرتا تھا۔

Mango3

پاکستان سے آم برآمد کرنے والے تاجروں کا کہنا ہے کہ رواں سیزن میں آسٹریلیا نے بھارتی آم درآمد کرنے سے انکار کرتے ہوئے پاکستانی آم کیلئے منڈی کھول دی ہے،آسٹریلیا کے فیصلے کے باعث رواں سیزن میں چونسہ سمیت 500 ٹن آم آسٹریلیا برآمد کیا جائے گا۔

Mango2

جب کہ ایک پاکستان سے تعلق رکھنے والے معروف تاجر نے بتایا کہ آسٹریلوی فیصلے کے بعد پہلی بار پاکستان کے صوبے سندھ کا خاص اور مشہور سندھڑی آم کی 10 ٹن کی کھیپ آسٹریلیا پہنچ گئی ہے۔

Mango1

پاکستان قدرتی وسائل سے مالا مال ملک ہے،یہاں پیدا ہونے والے پھل دنیا بھر میں ہاتھوں ہاتھ لیے جاتے ہیں اورپاکستانی آم اپنی مٹھاس،رنگ اور ذائقے کے باعث دنیا بھر میں اپنی مثال آپ ہے،ضرورت محض اس امر کی ہے پاکستانی تاجرکو بنیادی سہولیات مہیا کیا جائے توپاکستان کے زر مبادلہ میں خاطر خواہ اضافہ کیا جا سکتا ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں