دبئی: ٹی ٹوئنٹی ورلڈکپ کے اہم ترین میچ میں آسٹریلیا نے ٹاس جیت کر فیلڈنگ کا فیصلہ کیا ہے۔
تفصیلات کے مطابق دبئی انٹرنیشنل اسٹیڈیم میں کھیلے جارہے گروپ1 کے میچ میں آسٹریلوی کپتان ایرون فنچ نے ٹاس جیت کر ویسٹ انڈیز کو پہلے بیٹنگ کرنے کی دعوت دی ہے۔
ٹی ٹوئنٹی کی دفاعی چیمپئن ویسٹ انڈیز آج گروپ میں اپنا آخری میچ کھیل رہی ہے، گوکہ وہ ٹی ٹوئنٹی ورلڈکپ سے آؤٹ ہوچکی ہے۔
ٹاس کے بعد گفتگو کرتے ہوئے کینگروز قائد کا کہنا تھا کہ پچ کی کنڈیشن کو دیکھ کر پہلے بولنگ کا فیصلہ کیا ہے، ٹیم میں کوئی تبدیلی نہیں کی گئی ہے اور بنگلہ دیش کے خلاف کھیلے گئے اسکواڈ کو برقرار رکھا گیا ہے۔
یہ بھی پڑھیں:ٹی20 ورلڈکپ: گروپ 1 میں اگر مگر کا کھیل شروع
دوسری جانب ویسٹ انڈیز قائد کیون پولارڈ نے کہا کہ یہ ٹورنامنٹ ہمارے لئے اچھا نہیں رہا ، ہم توقعات پر پورا نہیں اتر سکے، آخری میچ جیت کر اپنی ساکھ بحال کرنے کی کوشش کرینگے۔
کیون پولارڈ نے بتایا کہ ٹیم میں ایک تبدیلی کی گئی ہے، راوی رامپال کی جگہ ہیڈن والش کو ٹیم میں شامل کیا گیا ہے۔
