The news is by your side.

Advertisement

ٹی 20 ورلڈکپ: آسٹریلیا کا ٹاس جیت کر فیلڈنگ کا فیصلہ

دبئی: ٹی ٹوئنٹی ورلڈکپ کے سپر 12 مرحلے میں سنسنی خیز مقابلوں کا سلسلہ جاری ہے، اور شائقین کرکٹ کو دلچسپ دیکھنے کو مل رہے ہیں۔

تفصیلات کے مطابق ٹی ٹوئنٹی ورلڈکپ میں آج مزید دو میچز کا فیصلہ ہوگا، پہلا ٹاکرا دبئی میں آسٹریلیا اور بنگلہ دیش کے درمیان ہورہا ہے، جہاں آسٹریلیا نے ٹاس جیت کر بنگلہ دیش کو بیٹنگ کی دعوت دی ہے۔

کینگروز قائد ایرون فنچ نے ٹاس کے بعد گفتگو کرتے ہوئے کہا کہ وکٹ بولنگ کے لئے سازگار لگ رہی ہے یہی وجہ ہے کہ ٹاس جیت کر فیلڈنگ کا فیصلہ کیا، ٹیم میں ایک تبدیلی کی گئی ہے، آگر کی جگہ مچل مارش کو ٹیم میں شامل کیا گیا ہے۔Image

بنگلہ دیشی کپتان کا کہنا تھا کہ ہمیں اسکورنگ بورڈ پر ایک معقول ٹوٹل کی ضرورت ہے، یہ ٹورنامنٹ ہمارے لئے مشکل رہا، ہم اپنی صلاحیت کے مطابق نہ کھیل سکے، ٹی ٹوئنٹی ورلڈکپ کے آخری میچ میں ہمیں خود کو ثابت کرنا ہوگا۔

یہ بھی پڑھیں: آئی سی سی نے آصف علی کو بڑی خوشخبری سنادی

کپتان محمداللہ نے بتایا کہ ٹیم میں ایک تبدیلی کی ہے نسیم کی جگہ مستفیض الرحمان کو ٹیم میں شامل کیا گیا ہے۔Image

واضح رہے کہ بنگال ٹائیگرز چار میچز میں شکست کے باعث ورلڈکپ سیمی فائنل کی دوڑ سے باہر ہوچکے ہیں تاہم آسٹریلیا کی گروپ ون سے سیمی فائنل تک رسائی کی امیدیں برقرار ہیں۔

آسٹریلیا کے لئے یہ میچ نہایت اہمیت رکھتا ہے کیونکہ فتح کی صورت میں آسٹریلیا 6 پوائنٹس ہوجائیں گے اور وہ جنوبی افریقا کے ہم پلہ ہوجائے گی۔

Comments

یہ بھی پڑھیں