نیویارک : سابق آسٹریلوی کپتان رکی پونٹنگ بھی پاکستانی لیگ اسپنر یاسر شاہ کی تعریف کئے بٖغیر نہ رہ سکے۔

نیویارک میں میڈیا سے بات کرتے ہوئے سابق آسٹریلوی کپتان رکی پونٹنگ نے کہا کہ انگلینڈ کے خلاف یاسر شاہ کی بولنگ نے انہیں بہت متاثر کیا۔ طویل عرصے بعد انہوں نے اتنا باصلاحیت بولر دیکھا ہے۔

انھوں نے کہا کہ یاسر شاہ میں بہترین ٹیلنٹ ہے اور وہ ٹیلنٹڈ باﺅلر ہے، اس نے پاکستان کی نمائندگی کرتے ہوئے حالیہ میچوں میں متاثر کن کارکردگی پیش کی.

رکی پونٹنگ سابق آسٹریلوی کپتان ان کا کہنا ہے کہ شین وارن یاسر کی رہنمائی کرنا چاہتےہیں، جس سے ان کی کارکردگی میں مزید نکھار آئے گا.

واضح رہے کہ انگلینڈ کیخلاف سیریز میں یاسر شاہ کو مین آف دی سریز قرار دیا گیا ہے اور انہوں نے دو میچوں میں 15 وکٹیں حاصل کی تھیں۔