لاہور : آئی سی سی چیمپئنز ٹرافی 2025 کے سلسلے میں ایونٹ میں شرکت کیلیے مختلف ممالک کی ٹیموں کی پاکستان آمد کا سلسلہ جاری ہے۔
اس حوالے سے آسٹریلین کرکٹ ٹیم پاکستان پہنچ چکی ہے مذکورہ ٹیم کے کھلاڑی 2دستوں کی صورت میں لاہور پہنچے۔
اے آر وائی نیوز کی رپورٹ کے مطابق آسٹریلین کرکٹ ٹیم پر مشتمل14رکنی دستہ کولمبو سےبراستہ دبئی لاہور پہنچ گیا۔
آسٹریلیا کےکپتان اسٹیو اسمتھ بھی پاکستان پہنچ گئے جبکہ آسٹریلین کرکٹ ٹیم کے15 کھلاڑیوں سمیت17رکنی دستہ صبح 8بجے لاہور پہنچے گا۔
یاد رہے کہ آسٹریلیا پاکستان میں کھیلی جانے والی آئی سی سی چیمپئنزٹرافی میں اپنا پہلا میچ 22فروری کو انگلینڈ کیخلاف لاہور میں کھیلے گا۔
واضح رہے کہ آئی سی سی چیمپئنزٹرافی کے شروع ہونے سے محض چند دن قبل پاکستان کرکٹ ٹیم کے لیے اچھی خبر آگئی، رائٹ آرم فاسٹ بولر حارث رؤف انجری سے صحت یاب ہوگئے۔
رپورٹس کے مطابق پیسر حارث رؤف اب مکمل طور پر فٹ ہیں اور 19 فروری کو کراچی میں نیوزی لینڈ کے خلاف پاکستان کے چیمپئنز ٹرافی کے افتتاحی میچ کے لیے دستیاب ہونگے۔
حارث رؤف حال ہی میں ختم ہونے والے سہ فریقی ٹورنامنٹ کے افتتاحی میچ نیوزی لینڈ کے خلاف میچ کے دوران پٹھوں میں تناؤ کا شکار ہوئے تھے۔
چیمپئنز ٹرافی میں پاک بھارت مقابلے کا بخار عروج پر، اضافی ٹکٹ فوری فروخت
