والدین سے تحائف وصول کرنا بچوں کیلئے ہمیشہ خوشگوار ہوتا ہے اور اگر تحفے نہایت قیمتی ہوں تو اس کی تو بات ہی کچھ اور ہوتی ہے لیکن والدین کیلئے بھی بچوں کے لئے تحائف کا انتخاب کرنا اتنا آسان نہیں ہوتا۔

ایک آسٹریلین خاتون نے اپنی بچوں کی خوشی کیلئے انہیں انتہائی قیمتی ترین تحفہ دیا، مذکورہ خاتون تاجر روکسی جیسنکو نے ایک نئی سیون سیٹر قیمتی کار مرسڈیز بینز اپنے دو چھوٹے بچوں کے لیے ایک لاکھ 41ہزار پونڈ میں خریدی ہے۔

یاد رہے کہ خاتون نے چند ماہ قبل بھی اسی قسم کی ایک قیمتی کار بچوں کو تحفہ دینے کے لیے خریدی تھی، ماں کی اس فراخ دلی پر یہ بچے جن کی عمریں سات اور نو برس ہیں حیران ہیں۔

اس خریداری سے خاتون نے یہ ثابت کیا کہ جب بات بچوں کے جان کی حفاظت کی ہو تو پھر پیسہ کچھ نہیں ہوتا۔

غیر ملکی خبر رساں ادارے کی رپورٹ کے مطابق 41سالہ روکسی کے پبلک ریلیشن گرو نے دعویٰ کیا ہے کہ مرسڈیز بینز میں موجود اضافی نشستیں ان کے بچوں کے پالتو جانوروں کو سفر کے دوران بٹھانے کے لیے ہے۔