میلبرن : آسٹریلوی عدالت نے نائب وزیراعظم بارنبی جوئس کو دہری شہریت رکھنے پر نااہل قرار دے دیا۔
تفصیلات کے مطابق آسٹریلین ہائی کورٹ نے نائب وزیراعظم بارنبی جوئس کو دہری شہریت رکھنے پر نااہل قرار دے دیا، بارنبی جوئس کے پاس آسٹریلیا کے علاوہ نیوزی لینڈ کی شہریت بھی تھی اور رواں سال جولائی میں ہونے والے انتخابات سے قبل انہوں نے اس کا ذکر نہیں کیا تھا۔
عدالت نے اس سال جولائی میں ہونے والے انتخابات میں چار دوسرے ارکانِ پارلیمان کا انتخاب بھی غلط قرار دیا۔
آسٹریلیا کے آئین کے مطابق دہری شہریت رکھنے والے انتخابات میں حصہ نہیں لے سکتے۔
نااہلی کے بعد بارجوئس کا کہنا تھا کہ عدالتی فیصلے کا احترام کرتا ہوں، آزاد جمہوریت میں کچھ قدغنوں کا سامنا کرنا پڑتا ہے، میں عدالت کا ان کے غور و فکر پر شکریہ ادا کرتا ہوں۔
خیال رہے کہ جولائی کے انتخابات کے بعد سے آسٹریلیا میں دوہری شہریت کا معاملہ زیرِ ہے اور اس کے بعد سے درجنوں ارکانِ اسمبلی اپنی پوزیشن واضح کر چکے ہیں۔