دبئی: اگر آپ فلمیں دیکھنے کے شوقین ہیں ،مستقل سینما گھروں کا رخ کرتے رہتے ہیں اور آپ کی رہائش متحدہ عرب امارات میں ہے تو اب آپ کے پاس موقع ہے کہ آپ ایک سال تک مفت فلمیں دیکھ سکیں۔
جی ہاں ! دبئی کی ایک سینما چین ’واکس سینما نے اعلان کیا ہے کہ وہ ایک خوش قسمت فلم بین کو ایک سال تک مفت ٹکٹس مہیا کریں گے، یاد رہے کہ اس گروپ کے پورے متحدہ عرب امارات میں سینما ہال ہیں۔
سینما گروپ کی جانب سے اعلان کیا گیا ہے کہ اس لکی ڈرا میں حصہ لینے کے لیے فلم بینو ں کو عنقریب ریلیز ہونے والی ہالی وڈ فلم ’ایونجرز‘ کا ٹکٹ آن لائن لینا ہوگا ۔ اس لکی ڈرا میں شامل ہونے والے مداحوں میں سے کوئی ایک خوش نصیب 104،000 بونس واکس ریوارڈ پوائنٹ حاصل کرسکے گا یعنی ہر ہفتے اپنی پسند کی کسی بھی فلم کا ایک نہیں بلکہ دو ٹکٹس حاصل کرے گا۔
یاد رہے کہ واکس نامی اس کمپنی کے سینما گھر سٹی سنٹر شاپنگ مالز، سنی پیکس گرانڈ حیات، برجمان سنٹر اور الحمرا مال میں موجود ہیں۔ کل ملاکر ان کے متحدہ عرب امارات میں 14 سینما گھر ہیں۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
