کراچی: ایان اور انابیہ کو ضیاء الدین اسکول میں داخلہ مل گیا۔
خالہ اور نانی کے رویے کے باعث گھر چھوڑ کر جانے والے کراچی کے دو بچوں ایان اور انابیہ کو ڈاکٹر ضیاء الدین اسپتال کے چیئرمین اور پاکستان پیپلز پارٹی کے سینئر رہنما ڈاکٹر عاصم حسین کی ہدایت پر اسکول میں داخلہ دیا گیا ہے۔
ایان اور انابیہ کے تعلیمی اخراجات ڈاکٹر ضیاء الدین ٹرسٹ اٹھائے گا، ڈاکٹر عاصم حسین کی ہدایت پر دونوں بچوں کو ابتدائی اسکول سے لے کر گریجویشن تک مفت تعلیم فراہم کی جائے گی۔
- Advertisement -
ایان اور انابیہ کرونا وبا کے بعد سے اسکول نہیں جا رہے تھے، دونوں بچے صرف پہلی اور دوسری جماعت تک تعلیم حاصل کر سکے تھے، یاد رہے کہ گزشتہ دنوں دونوں بچے اپنی خالہ کے غیر مناسب رویے کے باعث گھر چھوڑ کر چلے گئے تھے، بچوں کو بازیاب کرانے میں پاکستان پیپلز پارٹی کے رہنما فیضان راوت نے اہم کردار ادا کیا۔
