شوبز انڈسٹری کی معروف اداکارہ عائزہ خان کی صاحبزادی حورین نے گولڈ میڈل جیت لیا۔
فوٹو اور ویڈیو شیئرنگ ایپ انسٹاگرام اسٹوری میں اداکارہ عائزہ خان نے بیٹی حورین کی تصویر شیئر کی جس میں انہیں اسکول کے اسپورٹس ڈے پر گولڈ میڈل پہنتے دیکھا جاسکتا ہے۔
عائزہ خان نے انسٹا اسٹوری میں لکھا کہ ’گولڈ میڈل جیتنے کا جشن منارہے ہیں۔‘
اداکارہ سوشل میڈیا پر کافی متحرک رہتی ہیں اور اکثر اور فیملی کی تصاویر شیئر کرتی رہتی ہیں جسے ان کے مداح بھی پسند کرتے ہیں۔
عائزہ خان نے اس سے قبل بھی تصاویر شیئر کی تھیں جو وائرل ہوگئی تھیں۔
واضح رہے کہ عائزہ خان معروف اداکار دانش تیمور کی اہلیہ ہیں، شوبز جوڑی کے دو بچے بیٹی حورین اور بیٹا ریان ہیں۔
اے آر وائی ڈیجیٹل کے ڈرامہ سیریل ’جان جہاں‘ میں عائزہ خان ’ماہ نور‘ کا کردار نبھا رہی ہیں جبکہ مرکزی کاسٹ میں حمزہ علی عباسی، مریم نفیس، نوال سعید، سویرا ندیم ودیگر شامل ہیں۔
اس سے قبل عائزہ خان نے ڈرامہ سیریل ’میں‘ میں وہاج علی کے ساتھ مرکزی کردار ادا کیا تھا۔
