اتوار, مئی 11, 2025
اشتہار

اقوام متحدہ نے عائشہ نور ایزگی کی ہلاکت کی مکمل انکوائری کا مطالبہ کر دیا

اشتہار

حیرت انگیز

اقوام متحدہ نے مغربی کنارے میں اسرائیلی فوجیوں کی فائرنگ کے واقعے کی مکمل انکوائری کا مطالبہ کر دیا ہے، جس میں ایک ترک نژاد امریکی ایکٹوسٹ عائشہ نور ایزگی ہلاک ہو گئی تھیں۔

اقوام متحدہ نے جمعہ کے روز مقبوضہ مغربی کنارے میں ایک احتجاجی مظاہرے کے دوران ایک امریکی ترک خاتون عائشہ نور ایزگی کے قتل کی ’مکمل تحقیقات‘ کا مطالبہ کیا ہے۔

الجزیرہ کے مطابق 26 سالہ عائشہ نور ایزگی ایگی کو اسرائیلی فورسز نے اس وقت گولی مار کر ہلاک کیا، جب وہ نابلس کے قریب بیتہ قصبے میں یہودی آباد کاری کی توسیع کے خلاف ہفتہ وار احتجاج میں حصہ لے رہی تھیں۔ اسرائیلی فوج نے کہا کہ وہ فائرنگ کے نتیجے میں ایک غیر ملکی شہری کی ہلاکت کی تحقیقات کر رہے ہیں۔

اسرائیلی فوجیوں کے ہاتھوں ترک نژاد امریکی خاتون کی ہلاکت پر اردوان نے اہم تجویز دے دی

نور ایزگی کے اہل خانہ نے ایک بیان میں کہا کہ وہ شدید صدمے اور غم سے دوچار ہو گئے ہیں، کیوں کہ محبت کرنے والی اور ’’شدید جذباتی انسانی حقوق کی کارکن‘‘ چلی گئیں، خاندان نے کہا کہ ویڈیو میں دکھایا گیا ہے کہ وہ اسرائیلی فوجی شوٹر کی گولی سے ہلاک ہوئیں، اہل خانہ نے امریکا سے تحقیقات کا مطالبہ بھی کر دیا ہے۔

اس دلدوز واقعے نے امریکا کو بھی شدید پریشانی میں مبتلا کر دیا ہے، اس لیے اسرائیل سے واقعے کی تحقیقات کا مطالبہ کرتے ہوئے وائٹ ہاؤس کی قومی سلامتی کونسل کے ترجمان شان سیویٹ نے کہا کہ واشنگٹن کو ایک امریکی شہری کی المناک موت پر پریشانی لاحق ہو گئی ہے، اسرائیل اس کی تحقیقات کرے۔

تاہم عائشہ نور ایزگی کے والدین نے کہا ہے کہ امریکا خود آزادانہ طور پر واقعے کی تحقیقات کرے اور ذمہ داروں کا احتساب کیا جائے، کیوں کہ اسرائیلی تحقیقات ناقابل اعتبار ہیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں