site
stats
پاکستان

وزیراعظم آزاد کشمیر نےحویلی کہوٹہ میں حالات بدستورکشیدہ ہونےپر فوج طلب کرلی

مظفرآباد: وزیراعظم آزاد کشمیر نے کہوٹہ حویلی میں دوسیاسی جماعتوں میں کشیدگی کے باعث فوج طلب کرلی.

تفصیلات کے مطابق آزاد کشمیر کےحلقہ ایل اے سولہ حویلی کہوٹہ میں حالات بدستور کشیدہ ہیں،حالات کو کنٹرول کرنے کےلیےپولیس کی بھاری نفری پہلے سے موجود ہے تاہم وزیراعظم آزاد کشمیر نے موجودہ صورتحال کے پیش نظر فوج کو بھی طلب کرلیا.

یاد رہے دو روز قبل تفصیلات کے مطابق آزاد کشمیر کی نشت ایل اے 16 حویلی میں مسلم لیگ ن اور پیپلزپارٹی کے کارکنوں میں ریلی کے دوران تصادم ہوا،جس کے نتیجے میں ایل اے 16 مسلم لیگ ن کے امیدوار چوہدری محمد عزیز بازو اور ٹانگ میں گولی لگنے سے زخمی ہوئے جنہیں اسلام آباد کے نجی اسپتال منتقل کردیا گیا تھا.

پولیس حکام کے مطابق تصادم میں دونوں پارٹیوں کی جانب سے اسلحے کا آزادانہ استعمال کیا گیا جس کے نتیجے میں دو افراد جاں بحق جبکہ امیدوار سمیت 9 افراد زخمی ہوئے،جنہیں اسسپتال منتقل کردیا گیا تھا.

*آزاد کشمیر: سیاسی جماعتوں میں تصادم دو افراد جاں بحق کئی زخمی

تصادم کے بعد مشتعل افراد نے حویلی میں واقع بازار کی مختلف دکانوں میں آگ لگا دی تھی تاہم بروقت اقدامت کرتے ہوئے آگ پر قابو پالیا گیا تھا.

واضح رہے کہ گزشتہ روز وفاقی وزیر اطلاعات نے پیپلزپارٹی کو شدید تنقید کا نشانہ بناتے ہوئے کہا کہ پیپلزپارٹی کے وزیر اور کارکنان کی جانب سے لیگی کارکنوں پر فائرنگ کی گئی جس کے نتیجے میں 2 لیگی کارکنان جو جاں بحق جبکہ 10 کو زخمی ہوئے ہیں.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top