سابق ٹیسٹ کپتان اظہر علی نے کہا کہ اعظم خان پاکستان کے بہترین مڈل آرڈر بیٹسمین ہیں، جو قومی ٹیم میں شامل نہیں ہیں۔
اے آر وائی ڈیجیٹل کے پروگرام ‘دی فورتھ امپائر ایکسپریس‘ میں گفتگو کرتے ہوئے سابق ٹیسٹ کرکٹر اظہر علی نے کہا کہ اعظم خان ان کچھ پلئیر سے بہت بہتر ہیں جو میچ کے آخری میں جا کر چھکا یا چوکا لگاتے ہیں۔
اظہر علی کا کہنا تھا کہ اعظم خان کے کھیل کی سب سے زیادہ خوبصورتی یہ ہے کہ وہ صرف ہٹ نہیں کرتے، وہ بولز کو دیکھتے ہوئے کھیلتے ہیں، ہر جگہ شاٹ لگاتے ہیں، وہ اپنے پاور کا بہت بہترین استعمال کرتے ہوئے 360 اینگل سے شاٹ لگاتے ہیں۔
سابق ٹیسٹ کرکٹر اظہر علی نے کہا کہ میں یہی کہوں گا یہ اعظم خان پاکستان کے بہترین مڈل آرڈر بیٹسمین ہیں جو پاکستان کے لیے نہیں کھلیتے ہیں۔
انہوں نے مزید کہا کہ معین خان بھی سوچتے ہوں گے کہ اعظم کو بہت زیادہ گائیڈ کردیا ہے۔
واضح رہے کہ پی ایس ایل کے آٹھویں سیزن کے تیرہویں میچ میں اعظم خان نے کوئٹہ گلیڈی ایٹرز کے خلاف 8 چھکوں اور 9 چوکوں کی مدد سے 42 گیندوں پر 97 رنز کی شاندار اننگز کھیلی۔
