The news is by your side.

Advertisement

ریلوے 50 سال خسارے کے بعد پہلی بار منافع بخش بن ادارہ جائے گا: اعظم سواتی

اسلام آباد: وزیر ریلوے اعظم خان سواتی کا کہنا ہے کہ آئندہ 6 سے 9 ماہ میں ریلوے بھاری نقصان سے باہر نکل آئے گا، ریلوے 50 سال کے خسارے کے بعد پہلی بار منافع بخش بن ادارہ جائے گا۔

تفصیلات کے مطابق وزیر ریلوے اعظم خان سواتی کا کہنا ہے کہ آئندہ 6 سے 9 ماہ میں ریلوے بھاری نقصان سے باہر نکل آئے گا، بینک کرپٹ ادارے کو کھڑا کرنے کے لیے ٹیم بنانی پڑتی ہے۔

اعظم سواتی کا کہنا تھا کہ ریلوے 50 سال کے خسارے کے بعد پہلی بار منافع بخش بن ادارہ جائے گا، پنشن فنڈز کی مد میں سے 1 لاکھ 32 ہزار لوگوں کو ادا کیے جاتے ہیں۔

انہوں نے کہا کہ فریٹ ٹرین میں سب سے زیادہ آمدن ہے، وزیر اعظم نے ایک وزراتی کمیٹی بھی تشکیل دی ہے، ریلوے فریٹ کی بڈ آئندہ 3 دنوں میں جاری کر دی جائے گی۔

اعظم سواتی کا مزید کہنا تھا کہ وزیر اعظم کو ریلوے اراضی کی نشاندہی کی ہے، پبلک پرائیوٹ پارٹنر شپ سے ورکرز اور افسران کے لیے رہائشی منصوبہ بنائیں گے، باقی ریلوے اراضی کو کمرشل مقاصد کے لیے استعمال کریں گے۔

Comments

یہ بھی پڑھیں