پالیکیلے: لنکا پریمیئر لیگ میں پاکستانی کرکٹر اعظم کے ساتھ افسوسناک واقعہ پیش آیا ہے۔
میڈیا رپورٹ کے مطابق سری لنکا میں جاری لنکا پریمیئر لیگ( ایل پی ایل) کے میچ نمبر نو میں آج کینڈی فالکنز اور گال گلیڈی ایٹرز مدمقابل آئے، گال گلیڈی ایٹرز نے ٹاس جیت کر پہلے بیٹنگ کا فیصلہ کیا اور مخالف ٹیم کو 153 رنز کا ہدف دیا۔
کینڈی فالکنز ہدف کے تعاقب میں بلے بازی جاری رکھے ہوئے تھا کہ میچ کے 16 ویں اوور کے دوران گال گلیڈی ایٹرز کے وکٹ کیپر اعظم خان کو افسوسناک صورت حال کا سامنا کرنا پڑا۔
گال گلیڈی ایٹرز کے بولر نووان پردیپ نے لیگ اسٹمپ پر سلو بولنگ کی جسے مخالف ٹیم کے بیٹر چمیکا کرونارتنے جانے دیا، امپائر نے اسے وائیڈ بال قرار دیا۔
Get well soon, Azam Khan!
The wicket-keeper was taken off the field on a stretcher after being hit on the head while keeping.
📸 @DanuskaAravinda | #LPL2022 pic.twitter.com/unrEjHjSlF
— Grassroots Cricket (@grassrootscric) December 12, 2022
غیر متوقع صورت حال اس وقت پیش آئی جب بال اعظم خان کے گلوز میں آنے سے قبل اچانک باؤنس ہوئی اور وہ ان کی سر سے جا ٹکرائی، جس کے باعث وہ زمین پر گرپڑے اور درد کی شدت سے کراہنے لگے۔
یہ بھی پڑھیں: ’غیرذمہ دارانہ بیٹنگ نے ’ابرار‘ کا ڈیبیو ضائع کردیا‘
متعلقہ ٹیم کا میڈیکل عملہ فوری طور پر میدان میں آیا اور درد کی شدت کو دیکھتے ہوئے اعظم خان کو اسٹریچر پر لٹا کر میدان سے باہر لیجایا گیا، فوری طور پر ان کی انجری سے متعلق مزید معلومات میسر نہ ہوسکی۔
Azam Khan was taken off the field on a stretcher after being hit on the head while keeping.pic.twitter.com/SokgMdPs13
— Thakur (@hassam_sajjad) December 12, 2022
سری لنکا کے مقامی صحافی نے افسوسناک واقعے کی ویڈیو سوشل میڈیا پر شیئر کی تو صارفین کی جانب سے اعظم خان کی جلد صحتیابی کی دعا کی اور ان کے لئے نیک خواہشات کا بھی اظہار کیا۔