راولپنڈی کے بعد ملتان ٹیسٹ میں بھی قومی ٹیم کی انگلینڈ کے ہاتھوں شکست پر وکٹ کیپر بیٹر کامران اکمل سیخ پا ہوگئے۔
اے آر وائی نیوز سے گفتگو کرتے ہوئے وکٹ کیپر بیٹر کامران اکمل نے کہا کہ ’ہمیں پسند ناپسند کے کلچر سے نکلنا ہوگا اور ہماری ٹیم کو کھیلنے کا انداز بدلنا ہوگا۔
انہوں نے بیٹرز کو تنقید کا نشانہ بناتے ہوئے کہا کہ ’ابرار احمد نے شاندار ڈیبیو کیا لیکن غیرذمہ دارانہ بیٹنگ نے نوجوان اسپنر کا ڈیبیو ضائع کردیا۔
واضح رہے کہ پنڈی ٹیسٹ میں شکست کے بعد قومی ٹیم کو ملتان ٹیسٹ میں بھی مہمان ٹیم کے ہاتھوں 26 رنز سے شکست کا سامنا کرنا پڑا، ہیری بروک کو 108 رنز کی شاندار اننگز پر میچ کا بہترین کھلاڑی قرار دیا گیا۔
The ball that ended Saud Shakeel's fantastic innings. #PAKvENG | #UKSePK pic.twitter.com/kssvis9RdH
— Pakistan Cricket (@TheRealPCB) December 12, 2022
میچ میں ڈیبیو کرنے والے ابرار احمد نے 11 وکٹیں حاصل کیں اور دونوں اننگز میں 24 رنز بھی بنائے۔
انگلینڈ نے اپنی اننگز میں 281 اور 275 رنز بنائے جبکہ قومی ٹیم پہلی اننگ میں 208 رنز پر ڈھیر ہوئی اور دوسری اننگ میں 328 رنز بناسکی۔
Enterprising cameo from debutant Abrar Ahmed 🏏#PAKvENG | #UKSePK pic.twitter.com/llfBWahOry
— Pakistan Cricket (@TheRealPCB) December 12, 2022
سعود شکیل 94 رنز کے ساتھ نمایاں رہے جبکہ امام الحق نے 60 رنز بنائے اور محمد نواز 45 رنز کے ساتھ نمایاں رہے۔
Enterprising cameo from debutant Abrar Ahmed 🏏#PAKvENG | #UKSePK pic.twitter.com/llfBWahOry
— Pakistan Cricket (@TheRealPCB) December 12, 2022
انگلش ٹیم کی جانب سے میچ میں فاسٹ بولر مارک ووڈ نے 6 وکٹیں حاصل کیں جبکہ جیک لیچ دونوں اننگز میں 5 وکٹیں حاصل کرسکے۔