آذربائیجان نے آرمینیا میں ویٹ لفٹنگ ایونٹ میں جھنڈا جلانے پر سخت برہمی کا اظہار کیا ہے۔
آذربائیجان کا کہنا ہے کہ اس نے افتتاحی تقریب کے دوران جھنڈا جلانے کے واقعے کے بعد حریف آرمینیا کے دارالحکومت میں منعقد ہونے والی یورپی ویٹ لفٹنگ چیمپئن شپ سے اپنے کھلاڑیوں کو واپس بلا لیا ہے۔
حکومت کا کہنا ہے کہ اس کے کھلاڑیوں کے لیے چیمپئن شپ میں حصہ لینا ناممکن ہو گیا ہے اور وہ پہلے ہی آرمینیا سے جارجیا کے راستے گھر جانے کے لیے روانہ ہو چکے ہیں۔
Following the flag burning incident in #Yerevan, the #Azerbaijani weightlifting team decided to withdraw from the European Weightlifting Championships in #Armenia.
The 🇦🇿 team had already booked tickets for a flight from Yerevan to Antalya and then to #Baku at 2:55 am. However,… pic.twitter.com/QqgxoqF8Pv
— The Azeri Times (@AzeriTimes) April 15, 2023
ہفتے کے روز ہونے والے اس واقعے کی ویڈیو میں ایک شخص کو جھنڈا چھینتے اور اسے جلاتے ہوئے دکھایا گیا۔
اس واقعے پر آذربائیجان کی نوجوانوں اور کھیلوں کی وزارت اور اس کی قومی اولمپک کمیٹی نے سخت ناراضی کا اظہار کیا ہے۔
انہوں نے اسے "وحشیانہ فعل” نسلی نفرت اور نسل پرستی کا واضح ثبوت قرار دیا ہے جس کی شدید مذمت کرتے ہوئے کہا گیا ہے کہ آرمینیا کھلاڑیوں کی حفاظت کو یقینی بنانے کیونکہ ایسے واقعات سے لگتا ہے کہ آرمینیا کھیلوں کے بین الاقوامی مقابلوں کی میزبانی کے لیے نااہل ہے۔
