لاہور: قومی ٹیسٹ کرکٹ ٹیم کے کپتان اظہر علی کے والد نے اپنی سالگرہ انوکھے انداز سے منائی اور 75 برس کی عمر میں ایک بار پھر خود کو فٹ ثابت کردیا۔
قومی ٹیسٹ کرکٹ ٹیم کے کپتان نے سماجی رابطے کی ویب سائٹ ٹویٹر پر ایک ویڈیو شیئر کی جس میں اظہر علی اپنے والد کے ہمراہ جاگنگ کررہے تھے۔
انہوں نے لکھا کہ ’ابو نے اپنی 75ویں سالگرہ پوری فیملی کے ساتھ منائی، اُن کے بیٹے، پوتے اور نواسوں نے ماڈل ٹاؤن پارک میں واک کر کے اہم دن کی خوشی منائی‘۔ اظہر علی نے بتایا کہ ’ابو روزانہ یہاں واک کرنے آتے ہیں‘۔
قومی ٹیسٹ کرکٹ ٹیم کے کپتان کے والد کو انوکھے انداز سے سالگرہ منانے اور اس عمر میں بھی خود کو فٹ ثابت کرنے پر صارفین نے انہیں بہت سراہا اور سالگرہ کی مبارک باد پیش کی۔
Abu celebrating his 75th birthday with whole family running with his sons and grandsons at model town park where he run everyday… #happybirthday pic.twitter.com/YnI67yVtAr
— Azhar Ali (@AzharAli_) January 12, 2020
صارفین نے ان کے لیے لمبی عمر، خوشیوں اور صحت اور اسی طرح ہمیشہ فٹ رہنے کے لیے بھی دعا کی۔
Such an inspiration! 💕 May he keep running & leading a healthy life. 😍@AzharAli_ https://t.co/75ncH1IAEr
— Aalia Rasheed (@aaliaaaliya) January 12, 2020