The news is by your side.

Advertisement

اظہر علی سے صحافی کا غیرمناسب سوال، ویڈیو وائرل

راولپنڈی ٹیسٹ میں آسٹریلیا کے خلاف شاندار 185 رنز اسکور کرنے والے اظہر علی سے صحافی نے غیرمناسب سوال کردیا جس کی ویڈیو وائرل ہوگئی۔

تفصیلات کے مطابق آسٹریلیا کے خلاف پہلے ٹیسٹ میچ کے دوسرے روز قومی ٹیم کے سینئر بلے باز اظہر علی نے 361 گیندوں پر 185 رنز کی شاندار اننگز کھیلی وہ 15 رنز کی کمی سے ڈبل سنچری اسکور نہ کرسکے۔

اظہر علی جب دوسرے روز کھیل کے اختتام پر میڈیا سے گفتگو کرنے کے لیے آئے تو صحافی نے ان سے پوچھا کہ سنچری ہمیشہ ریکارڈ کا حصہ بنتی ہے لیکن آپ کی اور امام الحق کی سنچری سے پاکستانی ٹیم کو کتنا نقصان ہوا اس کا اندازہ آپ نے لگایا ہے، امام سلو کھیلے، دو دنوں میں 476 اسکور کیے، آپ نے دلیرانہ انداز میں بیٹنگ نہیں کی۔

اس پر اظہر علی نے کہا کہ میرے خیال سے آپ نے کافی کمنٹ کردیا اس سوال میں ہی آپ کا جواب ہے۔

قومی کرکٹر کا مزید کہنا تھا کہ چاہتا تھا ڈبل سنچری اسکور کروں، اننگز پر بہت خوش ہوں، گیند ریورس ہورہا تھا اس لیے اسپنرز پر چانس لیا، آسٹریلوی بولرز نے ہمیں تیزی سے اسکور نہیں کرنے دیا۔

اظہر علی کی یہ ویڈیو سوشل میڈیا پر تیزی سے وائرل ہورہی ہے اور شائقین کرکٹ کی جانب سے قومی کرکٹر کی اننگز کی تعریف اور صحافی کے سوال پر تنقید کی جارہی ہے۔

Comments

یہ بھی پڑھیں