شہباز شریف کو کوٹ لکھپت جیل میں بی کلاس دے دی گئی -
The news is by your side.

Advertisement

شہباز شریف کو کوٹ لکھپت جیل میں بی کلاس دے دی گئی

لاہور: اپوزیشن لیڈر میاں شہباز شریف کو کوٹ لکھپت سینٹرل جیل میں بی کلاس دے دی گئی، شہباز شریف کو گھر کا کھانا کھانے کی بھی اجازت دی گئی ہے۔

تفصیلات کے مطابق شہباز شریف کو آج احتساب عدالت کے حکم پر کوٹ لکھپت جیل منتقل کیا گیا ہے، جیل میں انھیں بی کلاس کی سہولتیں دی گئی ہیں، محکمہ داخلہ نے نوٹی فکیشن جاری کر دیا۔

کمر درد کی وجہ سے میٹریس کی جگہ خصوصی چارپائی دی جائے گی۔

جیل ذرائع

ذرائع کا کہنا ہے کہ شہباز شریف کو گھر کا کھانا کھانے کی اجازت ہے، وہ ادویات بھی منگوا سکتے ہیں، کمر درد کی وجہ سے میٹریس کی جگہ خصوصی چارپائی بھی دی جائے گی۔

محکمہ داخلہ کے نوٹی فکیشن کے مطابق شہباز شریف کو ٹی وی، اخبار، میز کرسی کی سہولت حاصل ہوگی۔ ذرائع کا کہنا ہے کہ شہباز شریف کو جیل کچن کے ساتھ بیرک میں رکھا گیا ہے۔

ذرائع کا یہ بھی کہنا ہے کہ شہباز شریف کو فی الحال صرف اہلِ خانہ سے ملاقات کی اجازت ہوگی، وزارتِ داخلہ کی اجازت پر دیگر افراد سے ملاقات کر سکیں گے۔

ذرائع نے بتایا کہ اجازت ملنے کے بعد ملاقات کے لیے خصوصی دن مقرر کیا جا سکتا ہے، جیل میں شہباز شریف کی سیکورٹی کے لیے خصوصی انتظامات کیے گئے ہیں۔

خیال رہے کہ آج آشیانہ ہاؤسنگ اسکینڈل کیس میں احتساب عدالت نے شہباز شریف کو جوڈیشل ریمانڈ پر جیل بھیجنے کا حکم دیا اور نیب کی جانب سے مزید ریمانڈ کی استدعا مسترد کر دی۔


یہ بھی پڑھیں:  اپوزیشن لیڈر شہباز شریف کو کوٹ لکھپت جیل منتقل کردیا گیا


جیل حکام کا کہنا ہے کہ جیل میں اپوزیشن لیڈر کو خصوصی سیل میں رکھا جا رہا ہے، سابق صدر آصف علی زرداری جس سیل میں بند تھے، شہباز شریف کو اسی میں رکھا جائے گا۔

آج احتساب عدالت میں پیشی کے موقع پر نیب نے تفتیشی رپورٹ میں کہا کہ شہباز شریف بیٹوں کو تحائف کی مد میں 17 کروڑ کے ذرائع آمدن نہ بتا سکے، اکاؤنٹ میں 2011 سے 2017 کے دوران 14 کروڑ آئے، مسرور انور اور مزمل رضا متعدد بار شریف فیملی کے اکاؤنٹ میں رقم منتقل کرتے رہے۔

Comments

comments

یہ بھی پڑھیں