گال: قومی کرکٹ ٹیم کے کپتان بابراعظم اور اسپنر ابرار احمد کی گال میں مقامی بچوں کیساتھ کرکٹ کھیلنے اور پتنگ اڑانے کی ویڈیو وائرل ہوگئی۔
پاکستان کرکٹ بورڈ (پی سی بی) کی جانب سے شیئر کردہ ویڈیو میں دیکھا جاسکتا ہے کہ کپتان بابراعظم اور ابرار احمد تفریح کیلئے سمندر کنارے پہنچے جہاں ابرار احمد نے مقامی بچوں کے ساتھ کرکٹ بھی کھیلی۔
— Babar Azam (@babarazam258) July 21, 2023
ویڈیو میں کپتان بابراعظم کو بڑی پتنگ اڑاتے ہوئے اپنی پتنگ بازی کا شوق بھی پورا کرتے ہوئے دیکھا جاسکتا ہے، دونوں کرکٹرز کے ہمراہ شائقین کرکٹ نے سلفیاں اور تصاویر بھی بنوائیں۔
.@babarazam258 and Abrar Ahmed go all touristy in Galle ✨#SLvPAK pic.twitter.com/MkbcCWU7y9
— Pakistan Cricket (@TheRealPCB) July 21, 2023
ویڈیو میں ابرار احمد کو اپنی فوٹوگرافی کے جوہر دکھاتے ہوئے بھی دیکھا گیا، اسپنر نے سمندر کنارے اسکیپر کی تصویر بنائی جسے کپتان نے اپنے اکاؤنٹ پر شیئر بھی کی ہے۔
یاد رہے کہ قومی ٹیم کو سری لنکا کے خلاف دو ٹیسٹ میچوں کی سیریز میں 0-1 کی برتری حاصل ہے، سیریز کا اگلا میچ 24 جولائی سے کولمبو میں کھیلا جائے گا۔