The news is by your side.

Advertisement

نندی پور ریفرنس میں بری بابر اعوان کو دوبارہ مشیر پارلیمانی امور بنائے جانے کاامکان

اسلام آباد : نندی پور ریفرنس میں بری تحریک انصاف کے رہنما بابر اعوان کو مشیر پارلیمانی امور بنائے جانے کاامکان ہے ، اس سے قبل بھی وہ مشیر برائے پارلیمانی امور رہ چکے ہیں ، تاہم نندی پور ریفرنس میں نام آنے پر مستعفی ہوئے تھے۔

تفصیلات کے مطابق وزیراعظم عمران خان نے بابر اعوان کو دوبارہ کابینہ میں شامل کرنے پر غور شروع کردیا ہے ، بابر اعوان کو مشیر پارلیمانی امور بنائے جانے کا امکان ہے۔

بابر اعوان اس سے پہلےمشیر برائے پارلیمانی امور رہے تاہم نندی پور ریفرنس میں نام آنے اور عائد الزامات پر بابراعوان وزیراعظم کے مشیر برائے پارلیمانی امور کے عہدے سے مستعفی ہوگئے تھے۔

خیال رہے بابر اعوان کو مشیر کا عہدہ دینے کے لیے ایک مشیر کومستعفی ہوناپڑےگا کیونکہ وفاقی کابینہ میں 5 مشیروں کو رکھنے کی گنجائش ہے۔

مزید پڑھیں : نندی پور پاور پراجیکٹ تاخیر ریفرنس ، بابر اعوان کو بری کردیا گیا

یاد رہے اسلام آباد کی احتساب عدالت نے نندی پور پاور پراجیکٹ میں تاخیرسےمتعلق ریفرنس میں بابراعوان کو بری کردیاتھا جبکہ سابق وزیراعظم راجہ پرویز اشرف کی بریت کی درخواست مسترد کردیں تھیں۔

خیال رہے نیب کے مطابق پیپلزپارٹی کے دور حکومت میں وزراء کی ملی بھگت سے نندی پور پاور پراجیکٹ منصوبے میں 2 سال کی تاخیرہونے سے قومی خزانے کو 27 ارب کا نقصان پہنچا تھا۔

نندی پور پاور پراجیکٹ کیس میں سابق وزیراعظم راجہ پرویز اشرف، سابق وزیرقانون بابراعوان، سابق سیکریٹری قانون اور دیگر پر فرد جرم عائد ہوچکی تھیں۔

Comments

comments

یہ بھی پڑھیں