قومی کرکٹ ٹیم کے کپتان بابراعظم کو ورلڈکپ تک قومی ٹیم کا کپتان برقرار رکھنےکا فیصلہ کیا گیا ہے۔
اے آر وائی نیوز کے مطابق چیئرمین پی سی بی نجم سیٹھی نے کہا ہے کہ بھارت میں ہونیوالے ورلڈکپ میں بابر اعظم ٹیم کی کپتانی کرینگے۔
چیئرمین پی سی بی نجم سیٹھی نے قومی ٹیم کو نمبر ون بننے پر مبارکباد دی۔
ذرائع کے مطابق چیئرمین پی سی بی نجم سیٹھی بابر اعظم کیساتھ مشترکہ پریس کانفرنس میں اس کا باقاعدہ اعلان کرینگے۔
پاکستان نیوزی لینڈ کو ہرا کر ون ڈے کی نمبر ون ٹیم بن گئی
پریس کانفرنس میں 12 سال بعد نیوزی لینڈ کیخلاف ون ڈے سیریز جیتنے پر بھی بابر اعظم کو سراہا جائے گا۔
واضح رہے کہ گزشتہ روز بابر اعظم کی کپتانی میں نیوزی لینڈ کے خلاف چوتھے ایک روزہ میچ میں فتح کے بعد پاکستان کرکٹ ٹیم نے آئی سی سی ون ڈے رینکنگ میں پہلی پوزیشن حاصل کرلی۔
نمبرون ٹیم بننے پر بابراعظم نے کیا کہا؟
جمعہ کو پاکستان ٹیم نے نیوزی لینڈ کو پانچ میچز کی سیریز کے چوتھے ون ڈے میں 102 رنز سے شکست دے کر سیریز میں 0-4 کی فیصلہ کن برتری حاصل کی اور ساتھ ہی آئی سی سی ون ڈے رینکنگ میں پہلی پوزیشن پر براجمان ہوگئی۔
